طالب بيسأل ::
الصراحة انا بحب اسمع اغانى على الاقل معرفش اذاكر الا بالاغانى علشان مازهقش
وفى نفس الوقت بسمع ان سماع الاغانى يعتبر شى لا يليق بالمسيحين
بس المشكلة فى نفس الوقت انى لو زرت حد من اصحابى او كنت راكب فى عربية او فى مكان ما بسمع اغانى
ياريت الاقى توضيح للمشكلة دى من كل الاتجاهات
ورد عليه الأنبا مكاريوس وقال :
أحبب الله وإفعل ما شئت"
فى موضوع الأغانى هو موضوع فرعى
ولكن الجوهرى الذى أود أن أسالك عنه
ماهو عمق علاقتك مع الله وبالتالى كيف تحكم على التصرفات
هناك بعض المعايير الروحية الجيدة للحكم على الأمور التى يختلف فيها الرأي
أول معيار لو كان رب المجد مكانى فى هذا الموقف ماذا كان سيفعل
الثانى لو أن أمام رب المجد وسأفعل هذا كيف سيكون استقباله
وكلا المعيارين وجهان لعملة واحدة وهى اننا نتحرك من خلال علاقتنا الحية مع الله وان علاقتنا معه حية واننا لابد ان نشبهه وان يكون هو مالئ اعيننا وان نرضه لأننا نحبه
وبالتالى ممكن احدهم يسمع اغنية او موسيقى ويستفيد بها وترقى بذوقه وافكاره ومشاعره ويرفض أغنية أخرى لأنها شهوانية ومعانيها مبتزلة ولا تبنيه ولا ترقى به
ولكن فى كلا الحالتين لن يستعبد لا لأغنية ولا لغيره لأنه ملك لله وبالتالى لا يملكه الا الله وهكذا حاله وهكذا جهادنا
إذا إعمل فقط ما يقوله القديس أغسطينوس
"أحبب الله وإفعل ما شئت"
انا بصراحة اعرف انا الاغاني لا تحل دة لعدة الاسباب انها بتحط الانسان في المود(الحاله) الغلط يعني لو حب بتخليك تدور علي حد تحبة حتي لو كان مالكش حبيب ( واكيد دة مش الحاجة المناسبة ) ولو خيانة وغدر في لحظة بتخليك تفتكر كل الللي خانوك وباعوك وغدروا بيك وللاسف دي مشاعر انت بتسترجعها وهي من اخطر المشاعر اللي ممكن تواجهة الانسان لانة ببساطة بتخلية ينظر للحياة من الوجهه الخطا دة انت كمان تبكي بحرقة حتي لو الموضوع نام وعدت علية سنين
اما يا حبذا لو اغنية زي اللي بتقول رجعت للصفر من مكان مابدات اغنية بتدعي ان الواحد يرمي اللي في ايدي ونط من البلكونة
فالغاني غلطها في المود اللي بتحط الشخص فية ومافيش حد جدع ويقول مبتاثرش لان الشيطان هي دي منطقة لعبة بيختار للشخص الاغنية الصح في الوقت الصح ويخلية يبعد عن ربنا
فالية اسيب الترانيم اللي بتديني امل حتي لو كان الفشل كلة محاصرني حتي لو كانت الدنيا كلها بيعاني بتقولي ان رب المجد معايا وجانبي ومش هيسيبني
علي فكرة انا كنت من مدمني الاغاني بشراهه وانا اعني الكلمة بس كانت عاوزة اقولكم سبب بكاية وتعبي واكتئابي هي كلمات الاغاني واللي كانت بتعملة فية
لكن بجد كنت بسمع اغاني ومبهدلة الدنيا عياط واكتئاب فتحت بالغلط وانا بقول بالغلط لاني مكنتش اقصد افتحهم خالص ترانيم ومش عايزة اقولكم كم الراحة والطمئنينة والحب والسعادة والرجاء اللي دخل قلبي ومن ساعتها قررت ماجبش وجع القلب لنفسي تاني يسوع وبس
أهم شئ في الموضوع دة كله ان اللي نقلكم الموضوع دة وساهم في كتابة بعضة يعمل في اكبر شركة توزيع وانتاج كاسيت في مصر والعالم العربي ومن التجربة صدقوني انا لا اسمع اعاني بالمرة بل بالعكس اكبر مغنيين في مصر والعالم العربي بيكون شريطة معايا قبل ما يلمسة اي مواطن سميع ولا يخطر في بالي ان اضعة في كاسيت العربية . انا احب الموسيقي فهي غزاء فعلا للروح وتترك العنان للروح في الانطلاق والتحليق طبعا مش الموسيقي الصاخبة هي اللي هتعمل الكلام دة يعني ممكن تسمع موسيقي الفلوت والهارب من المحترفين الاوربيين والموسيقي الهادئة الكلاسيكية لبتهوفن وغيرهم من المبدعيين ايضا انا احب اسمع موسيقي ( يني)Yanny هايلة واجمل شئ انك ترجع الي اصل الموسيقي في العالم كلة الموسيقي الروحية المصحوبة بالتسبيح الملائكي وهي الحان التسبحة وخصوخا تسبحة نصف الليل .
تعرفوا ان سيد درويش وغيراهم من الموسيقيين كانت الموسيقي الكنسية هي الملهم الاول لهم في هذة العصور لأن ببساطة الموسيقي العربية لم تكن غنية في الاول فكانت الالحان الكنيسية التي تمارسها الاديرة والكنائس هو الملهم الاول لكل فناني العصور اللاحقة للعصر القبطي الاول . ولما نقول القبطي يعني المصري القديم .
ربنا يبرك حياتكم وتكون أذانكم نظيفة في عصر أصبحت الضوضاء السمعية من صنع الانسان .
صلوا عني
الأربعاء أكتوبر 17, 2007 10:09 pm
