السحر حقيقي ولا خدع ادخل وقول رايك

عدد الرسائل : 121 تاريخ التسجيل : 21/09/2007

الاسبوع اللي فات في الاحتماع اخونا جورج نسيم جاب فيلم صغير عن السحر لساحر بيمشي علي الماء وعلي الحائط . وكان الكل منبهر وبعد ما تفرجنا في الاجتماع الكلام دة طرح سؤال وقال ايه رايكم الكلام دة انا مصدقوا وحقيقي ؟

ودارت المناقشة علي ثلاث محاور

الاول :
انكل يعقوب علق وقال ان الكلام دة ممكن يكون خدع وسهل قوي تعمل خدعة وفيديو الموبايلات ملايان بالخدع , ومش كل حاجة نشوفها نصدقها لازم نخضعها للبحث ونتحقق .
علي اعتبار ان احنا في عصر الفضائيات والانترنت والفوتوشوب وتكنولوجي متقدم جدا في صناعة الخدع . هذا الي جانب ان ممكن يكون الموضوع مصطنع وسهل قوي يكون خداع في خداع . ( يعني المفيد نشغل دماغنا شوية علشان احنا لازم نفكر ويكون فيه ادله قاطعة علي كل شئ بنتعرف عليه ونشوفة ) .

الثاني :
انكل جوزيف اكد ان السحر موجود فعلا في الكتاب المقدس واستشهد بموسي وعصاة وعصا السحرة اللي تحولت الي ثثعابين وغيرة .

الثالث

كان تعليق قدس ابونا ميخائيل وهو ان هناك فعلا ناس بتتعامل مع ابليس وتخضع ليه وتسلموا نفسها وتقطع معاة عهد ابدي بممارسة طقوس معينه وقرائة كتب معينه عهد بالدم بولاء هذا الانسان للشيطان وتسليم نفسه ليه بالتمام وتكو النتيجة انه بيديله مواهب كتيرة خارقة للعادة ولقدرات البشر .

وكان السؤال العجيب من جورج انا عايز اعمل زيهم هما في منتهي الخطورة وانا حابب اتعلم الحركات دي . طبعا جورج واضح انه لسة مفهمش ايه رايكم في الموضوع دة ؟؟؟؟؟؟؟؟؟

هناك امور لازم نحطها ي الحسبان :
1- كل الاعمال السحرية لم تنفع البشرية ولا الانسان في شئ . مجرد حركات .
2- اذا قارنا اعمال المسيح الخارقة لقدرات البشر لو جدنا انها كانت لنفع الانسان ولهدف سامي وليست للشهرة والمنظرة .
3- لم نسمع يوما عن احد حل مشكله نفسة بالسحر او قدم خدمة بالسحر او حل مشكلة للبشر بالسحر . يعني مثلا ابونا قال لو السحر مفيد طيب عايزين سلام في العالم هل السحر يقدر ، عيزيين الناس كلها تاكل ببلاش ومتتعبش ممكن السحر يريح الناس .

في الحقيقة هو موضوع كبير لكن المناقشة كانت حامية والاراء كتيرة لكن لازم نشوف ما سوف يحققة هذا الطريق للبشرية والانسان بصفة خاصة ، ليس اكثر من شغل حواة ، كله يسقف ولم يستفيد احد غير هذا الذي نال شويه شهرة والمصيبة الاعطم ________________

إن اللي باع نفسة لابليس علشان يقتني هذة المواهب سيهلك لسبب بسيط انه لايستطيع ان يخدم سيديين . يعني لوحب مثلا يكتسب مواهب سحرية ويتعاقد مع ابليس لازم يسيب المسيح ، ولو مثلا قال لا ان هبقي مع المسيح وبردة امارس المواهب دي هيفشل فيها علشان مش ممكن يكتسبها وهو مع المسيح لان الاثنين ميتفقوش مع بعض يتعيش مع المسيح وتنال الحياة الابدية , يتعيش مع ابليس وتهلك معاة .

الخلاصة

ممارسة الاعمال السحرية تكون بالتعاقد مع ابليس وقبول معمودية الدم دمك انت طبعا عهد علي الدم بالولاء ليه وجحد المسيح وانكار لاهوتة وصليبه وفيه مدارس بتدرس الكلام دة برة طبعا مش هنا وليهم كنائس تدعي كنيسة الشيطان تمارس فيها طقوس وثنية . ويكو المعمد الذي جحد المسيح اصبح تلميذ مطيع لابليس وينال بركاته اقصد لعناتة طول حياتة يمارس اعمال خارقة وللاسف الطريق دة مفهوش رجوع لانه لو تركته هيهلكك وطبعا هتشرف معاة ويبقي هو كسب نفس من المسيح وانت خسرت كل شئئئئئئئئئئئئئئئئئئئئئئئئئئئئئئئ .

سلام المسيح معاكم وبلاش الافكار دي يا عم جــــــــــــــــورج

اجتماع الشباب والشابات بكنيسه رؤساء الملائكه ميخائيل وغبريال بالجيزه